«Жеңіс» саябағы – 1985 жылы Ұлы Отан соғысындағы Жеңістің 40 жылдығына орай ашылып, 2 гектар аумақты қамтиды. Отбасымен серуендеп, жайлы демалыс өткізуге тамаша мекен. Саябақта сұлулық пен жайлылық сезімін сыйлайтын 1570 раушан, шафран және сильвия гүлдері отырғызылған. Белсенді демалыс үшін мұнда жаттығу алаңы, балалар алаңы,
сондай-ақ дәмді ұлттық тағамдардан ләззат алуға болатын кафелер бар.
Саябақта тәрбиелік мәні бар нысандарға да ерекше көңіл бөлінген. Кіреберісте әйгілі генерал Сабыр Рахимовқа арналған ескерткіш орнатылған.
