Сипаттамасы: Арбат демалыс аймағы 2018 жылы 1 желтоқсан күні ашылған. Жаяу жүргіншілерге арналған аймақтың ұзындығы - жарты километр, ені - 35 метр. Бұл жерде 7 субұрқақ пен велосипед жолы орналасқан. Сондай-ақ 90 орындық, 26 үлкен және 76 кішкентай шам орнатылып, Бейбітшілік көшесі мен Әл-Фараби алаңының қиылысы және Республика даңғылы аркамен безендірілген.

Мекенжайы: Шымкент қаласы, Бейбітшілік көшесі

Сипаттамасы: «Бәйдібек би» ескерткіші – Шымкент қаласындағы ең биік ескерткіш болып табылады. Ескерткішті орнату үшін Шымкент қаласының солтүстіктегі ең биік нүктесі таңдалған – 220 метр. Мүсіннің биіктігі 10 м, тұғыр мен ескерткіштің өзін есепке алғанда монумент 23 метрді құрайды. Жалпы салмағы 9 тоннадан тұратын ескерткішті рекордтық мерзімде – 20 күн ішінде жасалынған. Бәйдібек Қарашаұлы (1356-1419) – аты шыққан би және қазақ халқының батыры, Ұлы жүздің албан, суан, дулат, сары, үйсін, шапырашты, ысты, ошақты сияқты қазақ руларының аты аңызға айналған бастаушысы. Әмір Темірдің (Ақсақ Темірдің) досы мен серігі болған. Халық арасында ол өзінің әділдігі, сөз тапқырлығы, адамгершілігі мен даналығымен белгілі болған.

Сипаттамасы: Әйгілі «Шаншар» әзіл-сықақ театрының базасында құрылған еліміздегі тұңғыш мемлекеттік сатира және әзіл-сықақ театры қысқа мерзім ішінде өз көрерменін таба білді. Қазіргі таңда 30-дан астам адам театр группасында жұмыс істеуде. Театр өзінің стилі мен деңгейі жөнінен өзге өнер ұжымдарынан ерекшеленеді.

Мекенжайы: Шымкент қаласы, Қазыбек би көшесі 21

Сипаттамасы: Кез-келген оқырманның талғамынан шығатын бұл ғимараттың қорында 650 мыңнан астам кітап бар. Әлемдік стандарттарға сай жаңадан салынған кешеннің ерекшелігі – мұнда оқырмандарға арналған мамандандырылған залдар, конференц-аудиториялар, интернет бөлмелер ашылған. Мәдени кешеннің ерекшелігі мұндағы залдар техниканың соңғы үлгісімен жабдықталған. Сәулет өнерінің соңғы үлгісімен салынған бұл нысан қаланың ажарын ашып, өзіндік келбетін қалыптастыруда елеулі орын алуда.

Мекенжайы: Шымкент қаласы, Назарбаев даңғылы, 8

Сипаттамасы: Нысан елдегі ең ірі болып табылады және оңтүстік аймақтың басты көрікті жерлерінің бірі болуға ұмтылады.
Ипподром 1500 көрерменге арналған. Ат аренасы мен манеждерден басқа, 53 ат қорасы, жабық стенд ғимараты, ветеринарлық блок, көмекші бөлмелер, 310 көлікке арналған кең тұрақ кіреді. Трибунаның жоғары қабатында ашық терраса бар.
Ойындар мен жарыстар үшін жылқылар мен шабандоздардың қауіпсіздігі үшін арнайы амортизациялық қоршаумен қоршалған ұзындығы 2012 метр жарыс жолы, көкпарға, атпен секіруге арналған алаңдар қарастырылған. Сондай-ақ, қабырғалары кварцты құм мен табиғи тастармен безендірілген. Әлемдік стандарттарға сай салынған ипподром Шымкенттегі халықаралық спорт және ойын-сауық жарыстары өтетін орындардың бірі.

Мекенжайы: Шымкент қаласы, Алматы тас жолы, 21/24

Сипаттамасы: Шымкентте қаланың шырайына шырай қосқан көрікті мекендердің қатары уақыт өткен сайын көбейіп келеді. Сондай сәулетті орындардың бірі – «Наурыз» алаңы. «Наурыз» алаңы 1 гектардан астам аумақты қамтиды. Облыстық бюджет есебінен қаржыландырылған бұл нысанға 100 млн. теңге жұмсалған. Бұл аумақта «Ауылым – алтын бесігім» атты барельефті композициясы, қазақтың салт-дәстүрін көрсететін «Көкпаршы», «Қыз қуу», «Теңге алу», «Бүркітші» кейіптері көрсетілген сәулеттік декоративтік элементтер орналастырылған.

Мекенжайы: Шымкент қаласы, Қайтпас 1 шағын ауданы

Сипаттамасы: Орыс драма театрының жаңа, әрі қызықты қойылымдарды, алуан түрлі репертуары қала мәдениетін дамытуға, балалармен қатар ересектерді де тәрбиелеуге, қаланың мәдени өмірін байытуға бағытталған. Орыс драма театры спектакльдерді барша көрерменге паш ету мақсатында еліміздің өзге өңірлеріне жиі шығады. Орыс драма театры 1929 жылдың қараша айында ашылған.

Мекенжайы: Шымкент қаласы, Әл-Фараби алаңы 4/2

Сипаттамасы: Цирк 2011 жылы 17 желтоқсанда ашылған. Мекеменің ғимараты ерекше дизайнымен көзге түседі. 1200 көрерменді бір уақытта қуанышқа бөлейтін мекеменің бүгінгі таңда 11 бөлімінде 145 қызметкер; клоундар, акробаттар, балуандар мен фокусшылар жұмыс істейді. «Цирк» мекемесінің ашылуы Шымкентте халықаралық деңгейде танылған цирк ұжымдарының гастрольдерін ұйымдастыруға мүмкіндік берді.

Мекенжайы: Шымкент қаласы, Момышұлы даңғылы, 20г

Сипаттамасы: Шымкент қаласының көркін келтіріп тұрған, Шымсити шағынауданында орналасқан мәдениет ошағы. Мұнда көптеген концерттік шаралар, жиындар мен кездесулер өткізіледі. ҚР Президентінің тапсырмасы бойынша салынған үш қабатты ғимараттың ауданы 17 964 шаршы метрді құрайды. Концерт залының сыйымдылығы-2 066 орын. Сонымен қатар, 190 адамға арналған мәжіліс залы бар.

Мекенжайы: Шымкент қаласы, Алатау батыр көшесі, 101/1

Сипаттамасы: Қазақстан қолөнершілер одағының бөлімшесі «Бейісбековтер отбасының «Алтын орда» жеке көркем сурет галереясы» ата бабамыздың дәстүрлі тәсілімен таза табиғи шикізаттардан жасалған қазақ қолөнер бұйымдарын жасайды. Атап айтқанда: аяқ киім, бас киім, қамшы, үйтұмар, тұсау кесу жібі, кәдесыйлар және т.с.с бұйымдар. Қолөнер бұйымдарының орталығында кілем тоқу, алаша тоқу, киіз басу және кестелеу тәсілімен шеберлік сабақтары ұйымдастырылып тұрады. Ауданы: 700 ш/м.

Мекенжайы: Шымкент қаласы, 112 орам, Қ. Эссениязов көшесі 61 үй

Сипаттамасы: Бұл үлкен спорт кешенінің жалпы ауданы 1800 шаршы метр, мұз алаңы мен сыйымдылығы 2000 адамға арналған көрермен залынан тұрады. Мұнда коньки тебу және конькиді жалға алуға болады. Мұз айдынында жақсы техникалық жабдықтар мен заманауи мұздатқыш машиналарының арқасында мұз айнадай жағдайында үнемі ұсталып тұрады.
Мұз сарайы қысқы спорт түріндегі жарыстарға, сонымен қатар үлкен концерттерге, көрмелерге және форумдарға қолайлы.

Мекенжайы: Шымкент қаласы, Желтоқсан көшесі 15/2

Сипаттамасы: Шымкент қаласында қуыршақ және жас көрермендер театры 1983 жылы ашылды. 41 жылдық тарихы бар театр репертуарында бүгінде отандық және шетелдік авторлардың қазақ және орыс тілдерінде 150-ге жуық қойылымы бар. Олар: А. Файзуллаұлының «Керқұла атты Кендебай», А.Малюченконың «Бақыт құсы», О.Әубәкіровтың «Былғары және спорт», Н.Гернеттің «Аладдиннің сиқырлы шамы», С. Гереметтің «Теремок». Маршак және басқа да көптеген қойылымдар.
Театр маусымында қалалық қуыршақтар мен жас көрермендер театры гастрольге шығып, балалар үйінің тәрбиеленушілері мен мүмкіндігі шектеулі балалар үшін қойылымдар қояды.
Қуыршақ театрының ғимараты 1914 жылы салынған басында православ дінінің шіркеуі ретінде қызмет көрсеткен.

Мекенжайы: Шымкент қ, Қазыбек Би көшесі, 34