«Шымкент қаласының туризм, сыртқы байланыстар және креативті индустрия басқармасының „Visit Shymkent“ туристік ақпараттық орталығы» коммуналдық мемлекеттік мекемесі (әрі қарай-Орталық) қала әкімінің тапсырмасымен 2020 жылдың қараша айында ресми тіркеліп, 2021 жылдың 17 наурызында қала әкімінің қатысуымен тұсау кесері өткізілді. Орталық «бір терезе» қағидатымен төмендегі бағыттар бойынша жұмыс істейді.

Олар:

1. Туризм саласын талдау;
2. Қаланың туристік имиджін дамыту;
3. Ірі туроператорларды анықтау;
4. Туристік маршруттарды жасақтау;.
5. Оқиғалық іс-шараларды өткізу;

Мекеме Шымкент қаласы Тұран ауданы, Абай даңғылы 4В ғимаратының бірінші қабатында орналасқан. Орталық ішкі туризмді дамытумен бірге Шымкент қаласы бойынша туристік нысандарды отандық және шетелдік нарықта насихаттауға ықпал етеді.
Орталық туристерді ақпаратпен қамтамасыз етіп, өңірдің туристік әлеуетін, маркетингін ілгерілету мен талдау, халықаралық шараларды ұйымдастырып, іскерлік туризмді дамытумен айналысады. Сонымен қатар, қала тұрғындары мен қонақтарына кеңес беріп, туристік карталар ұсынып, қалада өткізілетін іс-шаралар жөнінде жарнамалық ақпараттарды таратады.